الدكتورة دينا سمير تكتب :  كلام فى الحب وسنينة

الحب مش كلمتين حلوين ينضحك بيهم عالقلوب  .. ولا هو كلام شات و تليفونات ليل ونهار . ولا حتي هدايا و فلوس  ..

الحب أكبر و أعمق من كده بكثير … الحب أمان و سند  و اهتمام .. الحب مواقف …  لما بتعدي بيها بتخليك تتأكد  انك اخترت صح و اللي انت عايشه حب بجد مش وهم  ..

و يعرفك  كمان انك اخترت غلط  وان اللي انت فيه و عايشه وهم و كدبة كبيرة أنت مش واخذ بالك منها  ..

الحب انك تكون مطمن و حاسس بالأمان  .. وانك تلاقي اللي يصدقك ومتكونش مضطر انك كل شوية تقدم اعذار و مبررات لكل تصرف وكل كلمة تقولها …

الحب إحساس مافيش احلي و لا اجمل منه لما يكون مع الأشخاص الصح

انك تلاقي اللي يفهمك و يحس بيك من غير ما تتكلم  ..

اللي يهون عليك و يتحملك  في اسوء ظروفك من غير

مايمل  ولا يتعب  .. و انك تتصرف بطبيعتك في كل شيء وفى كل وقت  .. تتكلم من غير ماتخاف انك تتفهم غلط  ..

وانك تضحك من قلبك  .. وتبكي وتعيش لحظات ضعفك من غير

ما تتكسف منه ولا تكون خايف انه يستغل ضعفك دا   ..

الحب من وجهه نظرى عامل زي الزرعة  … محتاجه  اللي يهتم بيها و يرويها ويراعيها عشان تكبر و تخضر وتضلل

علي صاحبها  ..  و لو أهملها  هتدبل و تنشف و تموت   ..

ربنا يرزقنا ويرزقكم الحب الحقيقي الحلال ويجعل من نصيبكم الناس الحلوة اللي قلوبها نضيفة اللي بتعرف تحب بجد وتحافظ بجد على العهد