موهبتي فضل من ربنا… والمسرح عشقي الأول": تصريحات قوية لكمال أبو رية في ندوة بالمعهد الدولي للإعلام
متابعة : أمل عادل
كمال أبو رية: اتعلمت من الجمهور حاجات كتير أوي.
كمال أبو رية: أنا بمثل عشان النجاح والكلمة الحلوة… أهم حاجة للممثل هو النجاح، مش الفلوس ولا المستوى المعيشي.
كمال أبو رية: الجمهور علّمني أكون عندي أسرار لنجاح يرضي الجمهور.
كمال أبو رية: أكثر حاجة بحبها مصر بلدي، وبغير عليها أوي، وهي أكتر حاجة بحبها في حياتي.
كمال أبو رية: أقرب عمل لقلبي هو مسلسل جمهورية زفتى… لأنه كان بيتكلم عن احتلال الإنجليز للمصريين، ودوري كان شخص بيحب بلده وبيحاول يعلن استقلالها… وده أكتر دور بحبه.
كمال أبو رية: فيه مشاهد كتير في مسلسل كارثة طبيعية ما كانتش مكتوبة… ولازم يكون عندك قلب نظيف عشان تبقى تراجيديان وكوميديان.
كمال أبو رية: الدراما لا تطرح الواقع كما هو، ولكن يجب أن تطرح الواقع كما يجب أن يكون.
كمال أبو رية: أنا من عشاق عبد الحليم حافظ، وبزور بيته كتير جدًا… عبد الحليم كان عنده سِمّية ووطنية.
كمال أبو رية: من مهنتي الجرأة… دا شغل واحتراف للشخصية.
كمال أبو رية: كتاب فن الممثل يتحدث في جزء منه عن “خط الفعل المتصل” (الصدف).
كمال أبو رية: في كل مشهد بعمله بعتبر إني معرفش السيناريو ولا إيه اللي بيحصل… عشان الأداء الاحترافي.
كمال أبو رية: كل ما يخل بالدولة المصرية لا يجب أن يُعرض على الدراما.
كمال أبو رية: المنصات الرقمية تفوقت على التلفزيون لأن أغلب الأسر المصرية تتابع السوشيال ميديا.
كمال أبو رية: ستايل ومكياج كل شخصية أنا اللي بعمله لنفسي… السر إن كان المفروض أكون رسّام.
كمال أبو رية: كل حاجة ليها طريق؛ واللي عايز يمثل كويس، لازم يقرأ ويتثقف ويدرس، ويقرأ فن الممثل وفن كتابة السيناريو، ويحس بالناس، وينزل المجتمع، ويكون واحد منهم.
كمال أبو رية: أحيانًا بكون فاكر إني أقدر أقيم نفسي، بس مهما كانت الخبرة الجمهور ليه وجهة نظر… زي مسلسل وتر حساس، ماكنتش متوقع له النجاح ده.
كمال أبو رية: موهبتي كبيرة… وده مش غرور، ده فضل من ربنا.
كمال أبو رية: سر النجاح هو القراءة والمتابعة والثقافة.
كمال أبو رية: الفن أداني حب الناس… وأخد مني جهد متواضع.
كمال أبو رية: مرّ عليا أساتذة كبار، على رأسهم الفنان محمود ياسين.
كمال أبو رية: لازم نختلف ونتفق لحد ما نكوّن وجهة نظر كاملة.
كمال أبو رية: مهما كانت خبرتي، لازم أسمع للمخرج وأجتهد إني أتعلم منه حاجة… حتى لو لسه متخرج.
كمال أبو رية: لازم أتقبل النقد… النقد الإيجابي يسعدني، والنقد السلبي باحترمه وأتعلم منه.
كمال أبو رية: خشبة المسرح بالنسبة لي هي عشقي… ونفسي يجيلي شغل في المسرح القومي.
كمال أبو رية: سيشارك قريبًا في المسرح القومي.
تابعنا على مواقع التواصل الأجتماعي :-
